आदित्यबार। आदित्य – रवि। अमृत अवसर यो – त्यो सदाबहार। सबका लागि विश्वभरि सतचित निराकारमय वसन्ततिलक छन्दोहार !
अमृत जयन्तीका उद्गार–नेपाली शिक्षा परिषद्को !
अपराह्न ३ बजे। तिरिङ मिरिङ – तिरिङ मिरिङ। दूरभाष संयन्त्र ध्वनित हुन्छ....! श्रवणेन्द्रीयमा। नमस्कार ! रमा शर्मा बोल्दैछु !
स्वरैले चिनिहालें। नेपाली शिक्षा परिषदका अजय–अथक स्वरगुञ्जन्। आकलझुकल किरण थापाज्यूका स्वर सुन्ने मुहूर्त पाउँछु ! अतीतलाई झल्काई !
ग्रहणशील चेतनापुञ्ज मान्यम्वर– मित्रवरको है। उदार चरित्रानामतु वसुधैव कुटुम्बकम् ! भन्न मन पराएँ ! स्वीकार्य नहुँदो छैन बरि। हुने संकै छैन कुनै। जय मंगल मूत्र्यै नम: । सूर्यविनायक गणेश मन्दिरको पाद पथमा निष्ठापूर्वक बासस्थान बनाएको– निष्ठाछें–निष्ठाका घरमा आश्रय पाएछु !
नेपाली शिक्षा परिषद् नामले स्वनामधन्य। नेपाली वाङ्मयकै माध्यमबाट प्रवेशिका परीक्षा उत्तीर्ण गर्ने अवसर जुराउने मूल उद्देश्यले स्थापित ! ‘असीम’ गुरुका असीमित अनुकम्पा वाङ्मय नेपाली राष्ट्रभाषा प्रतिका सीमाहीन क्षितिज। जतिनै उडान भरेनि नपुगिने– नभरिने महिमा ! गान यात्रा ! उत्सर्ग अनन्त यात्राहरूका ! मानिस बनेर मानिस हुनुको उत्सर्गमय उत्कर्ष ! याचनामय उत्कर्षवान् उत्सर्ग गान मधुरिमा बारम्बार प्रणाम ! गाइरहूँ लाग्छ उत्कर्षमूलक नेपाली भाषा अनुराग गान।
नेपाली भाषाले नेपालको वाङ्मय बोली विश्वभर भर्दैछ फड्को ! अबेर हुँदो हो हुँदैन अँधेर। रीत यस्तै छ ! संसारकै परस्परा निरन्तर महान् ! त्याग, बलिदान, समर्पण यिनै हुन् महान् कुर्वान आस्थामय बलिदान ! तपस्या जीवनको निस्वार्थ महान् ! नेपाली शिक्षा परिपद्को आँगन व्यापक धाम ! धाम घाम – घाम धाम। घामको धाम जीवनकै चहक पूर्ण शान ! जान नजान– होइन यो एकल अनुमान ! शाश्वत सत्य–नित्य–परमधाम !
अमृत अवसर यो – त्यो सदाबहार। सबका लागि विश्वभरि सतचित निराकारमय बसन्ततिलक छन्दोहार ! पुर्खाले वार्षिक छन्दोहारभित्र त्यसै समाहित गरेनथे होलान् बसन्ततिलका वार्णिक छन्द...! यसले मधुर संगीतमय ध्वनि गुञ्जाउँछ श्रवणेन्द्रियभरि ! गुरुदेव महाकवि देवकोटाले तरंग्याउनु भएथ्यो–नशानदीका तरन–तरंग: मन्दिर आफू अपार ! लाग्न थाल्छ नेपाली–शिक्षा परिषद्– मन्दिर–आफैं अपार। अपारको अर्थ अपारै लाग्छ। पार गर्न सकिने असीम’। त्यसैले गोपाल ‘असीम’ रहे– नेपाली शिक्षा परिषद माध्यम् !
‘अमृत अवसर’ २०८३ बैशाक २७ आदित्यबार। आदित्य – रवि। रवि: सूर्य। सूर्य – दिवाकर। दिवाकर – दिनकर। दिनकर जसले अन्धकारलाई जलाई जग उजिल्याउँछ। भोरकालको शीतोष्ण प्रहरको कुइरो लाग्छ रातकालीन अन्धकार जलेर अवरोधका चिनेरी ! हाय राम ! हरे कृष्ण ! गीता गेय। अन्तर मनका सत्चित + आनन्द + सत्चिदानन्द ! अमृत अवसर– नेपाली वाङ्मय साधना केन्द्र शिक्षा परिषद, सोह्रखुट्टे धाम। जीवनकै परमधाम !
६० वर्षगाँठलाई हीरक जयन्ती मान्ने प्रचलन सबै समाजका। ७५ वर्ष अमृत वर्ष स्वसिद्ध महोत्सव प्रमाणित संस्कृतिका पाटो बनेको निर्विवाद सत्य ! अमृत वर्षको मुहूर्तमा अमर अस्तित्वका अन्तर दीप झलमल बाली मान्यम्बर–मित्रवर– महानुभाव बन्धु–बान्धव ! आराध्य प्रणाम !!! जयतु संस्कृति ! जयतुु रमायणम् !
प्रतिक्रिया दिनुहोस !
