छेतेन टासीले चौंथो पटक गरे कञ्चनजंघाको सफल आरोहण

ओखलढुङ्गा : विश्वकै तेस्रो अग्लो हिमाल कञ्चनजंघा (८,५८६ मिटर) को शिखरमा पहिलो पटक स्थानीय तहको पहिचानसहित गाउँपालिकाको झण्डा फहराइएको छ । ताप्लेजुङको फक्ताङलुङ गाउँपालिका–७ निवासी साहसी आरोही छेतेन टासी शेर्पाले चौंथो पटक कञ्चनजंघाको सफल आरोहण गर्ने क्रममा चुचुरोमा आफ्नो गाउँपालिकाको झण्डा फहराएका हुन् ।

आफ्नै गृह जिल्ला र गाउँपालिकामा अवस्थित कञ्चनजंघा हिमालको शिखरमा स्थानीय सरकारको प्रतीक बोकेको झण्डा पु¥याएर शेर्पाले हिमाली पहिचान र स्थानीय पर्यटनलाई अन्तर्राष्ट्रियकरण गर्ने नयाँ प्रयास गरेका छन् । विरलै आरोहीहरूले मात्र गर्ने यस्तो चुनौतीपूर्ण कीर्तिमानले नेपालको दिगो पर्यटन र स्थानीय गौरवलाई विश्व मञ्चमा उचाइ दिएको सांसद क्षितिज थेबेले बताए ।

आरोही छेतेन टासी शेर्पाले यसअघि तीन पटक कञ्चनजंघाको सफल आरोहण गरिसकेका छन् । तर, चौंथो पटकको यो आरोहणलाई उनले विशुद्ध स्थानीय पर्यटन प्रवद्र्धनसँग जोडेर आरोहण गरेका छन् । हिमालकै काखमा रहेको फक्ताङलुङ गाउँपालिकाको झण्डा चुचुरोमा फहराइनुले विश्वभरका पर्वतारोहीहरूलाई कञ्चनजंघा क्षेत्र र यहाँको रैथाने पर्यटकीय सम्भावनाप्रति आकर्षित गर्ने विश्वास लिइएको छ ।

छेतेन टासीको यो ऐतिहासिक र साहसिक कदमको चौतर्फी प्रशंसा भइरहेको छ । यसैबीच, ताप्लेजुङका प्रतिनिधि सभा सदस्य क्षितिज थेवेले शेर्पाको यो उपलब्धिलाई नेपाली युवाहरूको आत्मविश्वासको प्रतीक भन्दै प्रशंसा गरे । उनको यो साहस, समर्पण र उपलब्धीले हिमाली क्षेत्रको पहिचान, पर्यटन प्रवद्र्धन तथा नेपाली युवाको आत्मविश्वासलाई अन्तर्राष्ट्रियस्तरमा थप उचाइ दिएको थेबेले बताए । सांसद थेवेले आरोही शेर्पाको साहसले आगामी पुस्तालाई समेत मातृभूमिको पहिचान दिलाउन प्रेरित गर्ने बताएका छन् ।