पोखरा : पोखरा महानगरपालिका-९ नयाँबजारमा झगडा गर्ने ४ जना पक्राउ परेका छन्। पक्राउ पर्नेहरूमा तनहुँको भानु नगरपालिका-१२ का ३२ वर्षीय विजय अधिकारी, धादिङको त्रिपुरासुन्धरी नगरपालिका-२ घर भएको २२ वर्षीय राजकुमार परियार, स्याङ्जाको पुतलिबजार नगरपालिका-२ का २४ वर्षीय सुजन परियार र पोखरा महानगरपालिका-१३ मियापाटनका २३ वर्षीय निरज आले मगर रहेका छन्। बिहीबार नयाँबजारमा दुई जना व्यक्ति एक आपसमा झगडा गरेको भिडियो सामाजिक सञ्जालमा भेटिएको थियो।
घटना सम्बन्धमा अनुसन्धान तथा खोजतलास गर्दै जाँदा जिल्ला प्रहरी कार्यालय कास्की मातहत वडा प्रहरी कार्यालय बैदाम कास्कीबाट खटिएको प्रहरी टोलीले झगडामा संलग्न ४ जनालाई आज पक्राउ गरेको हो। उनीहरू सवारी साधनको हेल्परको काम गर्ने र खाजा खाने विषयमा विवाद भई झगडा गरेको खुल्न आएको प्रहरीले जनाएको छ।
प्रतिक्रिया दिनुहोस !
