काठमाडौं : महानगर यातायात प्रालिले थप १६ वटा विद्युतीय वस सञ्चालनमा ल्याएको छ । बुधबार काठमाडौंमा सशिला मोटर्स प्रालिले महानगर यातायात प्रालिलाई विद्युतीय बस हस्तान्तरण गरेको हो । ३३ सिट क्षमता भएको नयाँ विद्युतीय बस उभिएर यात्रा गर्ने यात्रुहरुका लागि पनि सहज डिजाइन गरिएको बताईएको छ ।
चीनबाट आयात गरेको उक्त बसमा १ सय ४४ किलोवाट क्षमताको सिएटिएल ब्याट्री प्रयोग भएको छ भने एक पटकको फूल चार्जमा २ सय किलोमिटर यात्रा तय गर्न सक्ने महानगर यातायातले जनाएको छ ।
नयाँ वसहरुको सेवा सुभारम्भ कार्यक्रममा महानगर यातायात प्रालिका सचिव केशव नेपालले अबका दिनमा विद्युतीय सवारी साधनको विकल्प नभएको भन्दै महानगर यातायातले यो सेवालाई थप विस्तार गर्दै लैजाने जानकारी दिए । महानगर यातायात प्रालिले २८ वटा सिटी वस र २४ वटा माइक्रो वस गरि ५२ वटा विद्युतीय सवारी सञ्चालन गरिरहेको जानकारी दिएको छ ।
प्रतिक्रिया दिनुहोस !
