काठमाडौं: लायन्स क्लव इन्टरनेशनलको ९९ औं महाधिवेशन जापानको फुकुओकामा सुरु भएको छ । यो महाधिवेशनमा सहभागी नेपाली समुदायले राष्ट्रिय झन्डासहित सहभागी भएर नेपालको कला संस्कृति प्रस्तुत गरेका छन् ।
सन् २०१६/१७ का लागि नेतृत्व छान्न सहभागी नेपालीहरु दौरा सुरुवाल, साडी चोली र नेपाली लोकबाजासहित सहभागी भएर आफ्नो कला संस्कृतिलाई अन्य देशका मानिसमाझ फैलाउन सफल भएका छन् ।
यो महाधिवेशनले आगामी वर्षका लागि अमेरिकन नागरिक रोबर्ट वोब इ कारलिउलाई सर्वसम्वत अध्यक्षमा चयन गर्ने भएको छ । अमेरिकाको होनोलुलु हवाईमा सम्पनन ९८ औँ महाधिवेशनमा उनी प्रथम अन्तर्राष्ट्रिय उपाध्यक्षमा निर्वाचित भएका थिए ।
गतबर्ष नेपाली लायन्सको तर्फबाट इन्जिनियर सञ्जय खेतान अन्तर्राष्ट्रिय निर्देशक पदमा निर्विरोध निर्वाचित भएका थिए ।
लायन्सको महाधिवेशनमा सहभागी हुन नेपालाबाट तीन सयजना जापान पुगेका डिष्ट्रिक गभर्नर कुमारराज सुवेदीले बताए ।
महाधिवेशनमा डिष्ट्रिक ३२५ ए १ नेपालबाट एक सय जनाभन्दा धेरैको सहभागी छन् । महाधिवेशन जुन २५ देखि २८ गतेसम्म चल्नेछ ।
नेपालबाट निर्वाचन र सपथग्रहण कार्यक्रममा भाग लिन ४ डिष्ट्रिकका डिष्ट्रिक गभर्नरहरु र सयौंजना लायन्सको विभिन्न पदमा आवद्ध लायन्स लिडरहरु आएका छन् ।
महाधिवेशन अघि आयोजित र्यालीमा नेपालबाट महाधिवेशनमा भाग लिन पुगेका लायनहरुले नेपालको राष्ट्रिय पोशाक दौरा सुरुवाल, टोपी, कोटसहित राष्ट्रिय झण्डा बोकेर सहभागी भए ।
महिला लायनहरुले साडी, ब्लाउज र नेपाली झण्डा फहराउँदै सहभागी भए । सन् १९७१ मा पूर्व प्रधानमन्त्री मात्रिकाप्रसाद कोइरालाको अध्यक्षतामा 'लायन्स क्लव अफ बिराटनगर' को स्थापना गरिएको थियो । त्यसयता यो संस्थाले सामाजिक गतिविधि गर्दै आएको छ ।
प्रतिक्रिया दिनुहोस !
