‘घन्टी बज्यो घन्टी बज्यो’का गायक टंक बुढाथोकी दुबईमा

‘घन्टी बज्यो घन्टी बज्यो’का गायक टंक बुढाथोकी दुबईमा

टंक बुढाथोकी नेपाली सांगीतिक क्षेत्रको चर्चित नाम हो । ‘घन्टी बज्यो घन्टी बज्यो’, ‘काली तिम्रो नजरैले’ जस्ता चर्चित गीतका गायक बुढाथोकी केही समय अघि झापाली समाज युएईको कार्यक्रममा सहभागी हुन युएई पुगेका थिए । युएईमा गायक बुढाथोकीसँग जगत लुइटेलले गरेको कुराकानीः

पहिलो पटकको दुबई यात्रा कस्तो रहयो ?
विदेश जता गए पनि धेरै नै विकसित लाग्छ । अनि अति व्यस्त जीवन देख्छु । यसरी घुम्दा नेपालको राजनीतिक नेतृत्वमा अलिकति इच्छाशक्ति भए नेपालको पनि विकास देख्न पाइन्थ्यो भन्ने लाग्या छ।

युएई अघि कुन देश पुग्नुभएको थियो ?  
यसअघि कतार गएको थिए । कतार यात्रा गरेपछि युएई आउने अवसर प्राप्त भएको छ ।

देश बाहिरका कार्यक्रममा सहभागी हुँदा कस्तो अनुभव हुन्छ ?
म धेरै नै खुसी छु । दुबईमा रहेका नेपालीबासीको न्यानो माया पाउदा उत्साहित छु । देशभन्दा टाढा रहेर नेपाली कला संगीतको माया गर्ने ठूलो समूह भेट्दा धेरै खुशी लाग्छ । 

तपाईंको सांगीतिक यात्रा कहिलेबाट सुरुभयो ?
बाल्यकालबाट संगीतमा रुची भए पनि २०६८ साल बाट पूर्ण रुपमा संगीतमै समर्पित भएको छु ।

संगीत क्षेत्रमै बाच्ने भविष्य देख्नु भएको छ ?
मिहिनत गरे जुनसुकै क्षेत्रमा बाच्न सकिन्छ । संगीत क्षेत्रमा मिहिनतसँगै थोरबहुत क्षमता चाहिन्छ । त्यत्तिमात्र होइन लगनशीलहरु जुनसुकै क्षेत्रमा आत्मनिर्भर हुन सक्छन् ।

पैसा हुनेले नामका लागि मात्र गीत गाउने गरेका छन् । यसले संगीत क्षेत्रमा मिहिनत गर्नेलाई असर गर्दैन ?
 नामको पछि दौडनेहरु क्षणिक मात्र हुन् । पैसाका नाममा दौडनेले प्रतिभालाई कहिल्यै असर गर्दैन ।

किन टंक बुढाथोकी भन्दा पनि गीत चर्चित छन् नि ?
मैले कहिल्यै यो अनुहारको प्रचार गरिन  । अनुहारको प्रचार गर्नु आवश्यक पनि ठानिन । नाम भन्दा कामले चिनिन् मन लाग्छ । त्यसैले म भन्दा मेरो काम चर्चित हुनसक्छ ।

तपाईंलाई चिनाउने गीत कुन–कुन हुन् ?
काली तिम्रो नजरैले, घन्टी बज्यो घन्टी बज्यो, आएम सरी रियल सरी मलाई  चिनाउने गीत हुन् ।


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.