काठमाडौं : सार्वजनिक यातायातमा हुने महिलाविरुद्धको यौन हिंसा रोक्न महानगरिय प्रहरी कार्यलयले चलाएको ‘सेफ्टी पिन अप्रेसन’मा एक पाकेटमार समातिएका छन् ।
सार्वजनिक यातायातमा स्टिङ अप्रेसनमा खटिएको प्रहरी टोलीले काठमाडौं जडीबुटी बस्ने काभ्रेको सिचाउने–५ का २४ वर्षीय गणेश लामालाई पक्राउ गरेको हो ।लामाले चलिरहेको बसमा यात्रुबाट नगद चोरी गरेका थिए ।
नयाँ बसपार्कबाट पुरानो बसपार्कतर्फ जाँदै गरेको बा.२ ख ५९८० नम्बरको बसमा काठमाडौं सामाखुसी बस्ने बैतडीको बिजयपुर–४ का २७ वर्षीय शेरबहादुर महराको पाइन्टको गोजीमा राखेको नगद ५० हजार रुपैयाँ चोरी भएको हो ।
बसमा सवार रहेकै बेला काठमाडौं सिनामंगल ओरालो नजिक ५ जनाको समूहमा आएका पाकेटमारले चोरेको भन्ने जानकारी प्राप्त हुनासाथ सोही बसमा महिला हिंसाविरुद्ध खटिएको प्रहरी टोलीले लामालाई पक्राउ गरेको हो।
पाकेटमारीमा संलग्न अन्य व्यक्तिहरुको खोजी भइरहेको प्रहरीले जनाएको छ । यसैबीच बुधबारदेखी सुरु भएको सेफ्टी पिन अप्रेसनमा दुई जना समातिएका छन् ।
प्रतिक्रिया दिनुहोस !
