दमौली : व्यास ८ पुलिमराङमा स्कूलको विद्यार्थी बोक्ने जीप बिहीबार दुर्घटनामा पर्दा चालकको ज्यान गएको छ । विद्यार्थी पुर्याएर फर्केको इनसाइड भिजन बोर्डिङ स्कुलको ग १ ज ५००९ नम्बरको जीपसहिद धर्म विद्यालय माथिको भिरबाट तीन सय मिटर तल खसेको थियो ।
घटनामा घाइते चालक व्यास ९ गैरिस्वाँरा निवासी मोहनसिंह गुरुङको उपचारको लागि लैजाने क्रममा हुलाकी डाँडा नपुग्दै निधन भएको स्थानीयले जनाएका छन् । मृतकको शव पोष्टमार्टमका लागि दमौली अस्पताल राखिएको प्रहरीले जनाएको छ । दुर्घटनामा निकै तल खसेको जीप क्षतविक्षत बन्न पुगेको छ।
प्रतिक्रिया दिनुहोस !
