काठमाडौं : आगामी सप्टेप्वर १७ अर्थात असोज १ गते हुन गइरहेको नेपाली जनसम्पर्क समिति बेलायतको सभापतिमा युवराज सिंहले उम्मेद्वारी घोषणा गरेका छन् । लामो समयदेखि विभिन्न समूहमा विभाजित जनसम्पर्क समिति बेलायतको एकताको रुपमा आगामी असोजमा अधिवेशन तय गरिएको छ ।
नेपालबाट बेलायतमा पुगका सिंह जनसम्पर्क समितिमा निरन्तर रुपमा क्रियाशील रहेका छन् । चेतनाथ खनाल जनसम्पर्क समितिको सभापति रहँदा सिंहले महामन्त्रीको रुपमा रही कार्य गरिसकेका छन् । बेलायतबाट नेपाली कांग्रेसको १३ औं महाधिवेशन प्रतिनिधि समेत रहेका सिंह नेपाल विद्यार्थी संघका पुर्व केन्द्रीय सदस्य समेत हुन् ।
सिंहले २०६३ सालसम्म नेपाल कमर्श क्याम्पस, मीनभवनको ईकाई सभापति, २०५५ मा सोही क्याम्पसको स्ववियु सहसचिवमा निर्वाचित र २०६० सालमा स्ववियु सभापतिको उम्मेदवार समेत दिएका थिए । सिंह २०६० सालमा कैलाली क्षेत्र नम्बर ४ को क्षेत्रीय उपसभापतिको रुपमा जिम्मेवारी समेत सम्माली सकेका छन् ।
लामो समयसम्म जनसम्पर्क समिति युके विभाजित अवस्थामा रहेको र समयमा अधिवेशन हुन नसकेको अवश्थामा आगामी अधिवेशनबाट सबैलाई समेटेर अघि बढ्ने योजनाका साथ आफुले उम्मेद्वारी दिने निर्णय गरेको उनको भनाईछ ।
प्रतिक्रिया दिनुहोस !
