संयुक्त राष्ट्रसंघ : संयुक्त राष्ट्रसंघका महासचिव एन्टोनियो गुटेर्रेसले कोरियाली प्रायद्वीपमा हालै देखिएको तनावको अवस्थालाई राजनैतिक समाधान खोज्नुपर्ने बताएका छन् ।
उत्तर कोरियाले एकपछि अर्को गर्दै गरेका ब्यालेस्टिक क्षेप्यास्त्र तथा आणविक परीक्षणले विश्व समुदायमा तनाव सिर्जना गरेको भन्दै यस स्थितिको शीघ्र समाधान खोजिनुपर्ने उनले बताएका हुन ।
“राजनैतिक समाधान मात्र सही उपाय हुनसक्छ । सैनिक उपाय विनासको बाटो हुने र यसको क्षतिपूर्ति आगामी कयौ पुस्ताले पनि गर्न सक्नेछैन, ” गुटेर्रेसले भने ।
उत्तर कोरियाली आणविक तथा क्षेप्यास्त्र परीक्षणले कोरियाली प्रायद्वीप र विश्व समुदायमा मा व्यापक अस्थिरता एवम् तनाव पैदा गरेको उले बताए ।
“यस हप्ता संयुक्त राष्ट्रसंघ सुरक्षा परिषद्ले सर्वसम्मत रूपमा गरेको नयाँ प्रस्तावले एउटा स्पष्ट सन्देश दिएको छ कि अव उत्तर कोरियाले पूर्णरूपमा यसले सुरक्षा परिषद्मा गरेका प्रतिज्ञा बमोजिम अन्तर्राष्ट्रिय कानुनको पालना गर्नुपर्ने छ, ” उनले भने
“तर सुरक्षा परिषद्को एकताले पनि कुटनैतिक पहलका लागि वातावरण सिर्जना गरेको छ । ”
यसैबीच एटलाण्टिक परिषद्को अन्तर्वार्तामा उच्च अमेरिकी विचारक निकोलास बर्नले उत्तर कोरियामाथि लगाइएको नयाँ प्रतिबन्द मात्रै प्रशस्त नभएको बताए । रासस÷पीटीआई
प्रतिक्रिया दिनुहोस !
