रौतहटको गरुडा नगरमा मतगणना स्थगित
रौतहट: गरुडा नगरपालिकाको मतगणना बुधवार बिहान देखि माओवादी केन्द्रको अवरोधका कारण रोकिएको छ। सो नगरपालिकाको वडा नम्बर ३ मा एक मतले कांग्रेसका उम्मेदवार कृष्ण कुमार सहनी विजयी भएको घोषणा सँगै माओवादी केन्द्रले पुन मतगणनाको माग राख्दै गणना रोकेको हो।
सहनीको ३ सय ८ र माओवादी केन्द्रका उम्मेदवार सैलदेवी सहनीको ३ सय ७ मत आएको थियो। साझ सम्म सहमती हुन नसकेको र सहमति पछि मात्रै गणना शूरु हुने गरुडा नगरपालिकाका मतदान अधिकृत नविन कुमार जोशीले जानकारी दिएका छन।
सो नगरको १ नम्वर वडामा संघिय समाजवादी फोरमका सरोज कुमार यादव र २ नम्वर वडामा काग्रेसका बिष्णु दयाल सहनी बिजयी भएका छन्। बुधवार साझ सम्ममा रौतहटमा काग्रेसको अग्रता छ।
काग्रेसले प्रमुख पदमा ६ तहमा माओवादी केन्द्रले ५ तहमा , राजपा र संघिय समाजवादी फोरम ३÷३ तहमा र एमाले १ तहमा अगाडि छ। इसनाथ नगरपालिका र परोहा नगरपालिकाको बिहिवार सम्ममा परीणाम आउने निर्वाचन अधिकृतहरुले जनाएका छन्।
इसनाथ नगरपालिकामा नेपाली काग्रेसका उम्मेदवार कौशिल्य देवी ३८ सय ७४ मत ल्याएर अगाडि छिन्।
सो नगरको १ र २ वडामा नेपाली काग्रसका उम्मेदवारले र ३,४,५ वडामा नेपाल लोकतान्त्रिक फोरमका उम्मेदवारहरु विजयी भएका छन्।
यस्तै परोहा नगरपालिकामा काग्रेसका उम्मेदवार शेष वकिल माओवादी केन्द्रका अरुण जैसवाल भन्दा १८ सय बढी मतले अगाडी छन्।सो नगरको ५ वडा वडाको मत परीणाम आइसकेको छ।
१,३,४ र ५ वडामा नेपाली काग्रेस र २ नम्वरमा माओवादीका उम्मेदवार विजयी भएका छन्। रौतहटमा १६ नगरपालिका र २ वटा गाउपालिका रहेको छ।
प्रतिक्रिया दिनुहोस !
