काठमाडौँ: रोजगारीको सिलसिलामा साउदी अरब पुगेका २३ जना नेपाली युवा अलपत्र परेका छन् । काठमाडौंस्थित प्रिन्स अन्तरराष्ट्रीय रोजगार सेवा प्रालिबाट सात महिना अघि साउदी अरब पुगेका ती नेपालीको बिचल्ली भएको हो ।
साउदी अरबस्थित इम्पोर्टर सोलुसन कन्ट्राक्टिङ एस्ट कम्पनीमा रोजगारी गर्न पुगेका ती नेपाली काम नदिँदा उनीहरुको बिचल्ली भएको हो । उनीहरुलाई कम्पनीले खाना र ज्याला नदिएपछि कष्टकर जीवन बिताउन बाध्य भएका हुन् ।
'आएको भोलिपल्टबाट काम आज दिन्छु, भोलि दिन्छु भन्दै आज ७ महिना बितिसक्दा पनि कम्पनीले केही दिएको छैन', पीडित रामजतन कामतीले भने, 'हामीले घरमा बालबच्चा परिवार छोडेर उनीहरुको बनाउन विदेश पस्यौँ तर यहाँ आएपछि न त काम मिल्यो न त माम नै ।'
काम नदिने कम्पनीलाई घर पठाइदेउ भन्दा पनि कुनै चासो नदेखाएको उनले गुनासो गरे । राहत र उद्दारको आशमा नेपाली राजदुतावासमा पटक पटक जाँदा पनि आश्वासन बाहेक केही नपाएको बताए । साउदी अरबको लेबर कोर्टमा सम्पर्क गर्दा पनि कुनै सुनुवाइ नभएको पीडितहरुले दुखेसो गरेका छन् ।
भोकभोकै बस्न बाध्य भएकामध्ये एक नेपाली उमेश उरावले दश औँला जोड्दै भने, 'हामीलाई पटक पटक पुलिसले पक्रिँदै छाड्दै गर्छ । अहिलेसम्म ४ पटक लगिसकेको छ । फिंगर प्रिन्ट गराई छोडिदिने गरेको छ ।'
भिडियो
म्यानपावरमा सम्पर्क गर्दा कुनै सहयोग नपाएकाले सानो कोठामा कोचिएर बस्न बाध्य भएको उनले बताए । पीडितहरुले उद्दार गरिदिन भन्दै नेपाल सरकार र सम्बन्धित निकायलाई अपिल गरेका छन् । पीडितहरुले नेपाल फर्काउने गरिदिन सञ्चारमाध्यममार्फत आग्रह गरेका छन् ।
अलपत्र परेकाहरु
राम जतन कामती सिरहा, युधिर कामती-लक्ष्मीपुर पतारी-१, सिरहा,राम कुमार उराव- महनौर अर्नामा-१, सिरहा, देब कुमार उराव-महनौर अर्नामा-१ सिरहा, परमेश्वर उराव -महनौर अर्नामा-१ सिरहा, प्रभात कुमार उराव-महनौर अर्नामा -१ सिरहा, सन्जु उराव-महनौर अर्नामा-१ सिरहा, रञ्जीत उराव-महनौर अर्नामा-१ सिरहा, सञ्जय कुमार उराव-महनौर अर्नामा-१ सिरहा, नवीनकुमार उराव-महनौर अर्नामा-१ सिरहा, सगमलाल उराव-महनौर अर्नामा-१ सिरहा, मुनेश्वर उराव-बरहमपुरी अर्नामा-२ सिरहा रहेका छन् ।
त्यस्तै हेमन्ता उराव-भोक्राहा-४ सुनसरी, पवन उराव-भोक्राहा-४ सुनसरी, रामलाल उराव-भोक्राहा-४ सुनसरी, रञ्जीत उराव- भोक्राहा-४ सुनसरी, कालो उराव- भोक्राहा-४ सुनसरी, संदेव उराव-भोक्राहा-४ सुनसरी, पुष्पलाल उराव-गडही-४ सुनसरी, अशोक कुमार उराव-गढी-४ सुनसरी, सीताराम उराव-दुहबी-८ सुनसरी, बोवालाल उराव-रंगेली-२ मोरङ, उमेश उराव-बरहा-८ सुनसरी रहेका छन् ।
कतारबाट टेकराज थापाको सहयोगमा
प्रतिक्रिया दिनुहोस !
