काठमाडौं : बुधबार केपी शर्मा ओली नेतृत्वको सरकारका मन्त्रीको सम्पत्ति विवरण सार्वजनिक भएको छ । मन्त्रीको सम्पत्ति विवरणमा परराष्ट्रमन्त्री प्रदीप ज्ञवालीले भने २५ सय पुस्तक आफ्नो सम्पत्तिको रुपमा रहेको उल्लेख गरेका छन् । अन्य सम्पत्तिको विवरण पेश गर्ने क्रममा ज्ञवालीले कम्युटर, ल्यापटप, मोबाइल, क्यामरा, स्क्यानर, प्रिन्टर, टिभीसँगै करिब २५ सय पुस्तक र घरायसी सामाना रहेको उल्लेख गरेका हुन् ।
घरको कोठा थप्ने प्रयोजनका लागि ज्ञवालीले १४ लाख ५८ हजार रुपैयाँ ऋण स्वदेश तथा विदेशका गरी ९ शुभचिन्तकबाट लिएका छन् । ज्ञवालीले सुन अनुमानित दुई तोला भएको उल्लेख गरेका छन् ।
उनले एभरेष्ट बैंक लिमिटेडको नयाँ बानेश्वर शाखामा बचत गरेको दुई लाख ५७ हजार दुई सय ८३ रुपैयाँ र कृषि विकास बैंकमा दुई हजार रहेको उल्लेख गरेका छन् । ज्ञवालीले यो सबै रकम पारिवारिक स्रोत, पुस्तकको रोयल्टी, स्तम्भ लेखनलगायतबाट आएको उल्लेख गरेका छन् । मन्त्री ज्ञवाली बस्दै आएको काठमाडौंको घर श्रीमती सरस्वती ज्ञवालीको नाममा छ । चार आना बढी जग्गामा बनेको यो घर उनले २०६४ मा बनाएका हुन्।
गृहमन्त्रीको सम्पत्ति २० हजार र दुई कुकुर !
प्रतिक्रिया दिनुहोस !
