उर्लाबारी : विराटनगर महानगरपालिका-४ स्थित भित्री सडकखण्डमा रोकिराखेको ट्रकमा मोटरसाइकल ठोक्किँदा मोटरसाइकलमा सवार दुईको मृत्यु भएको छ। शनिबार राति पार्किङ गरेर सडक किनारमा राखिरहेको ना ५ख ५८८६ नं को ट्रकमा को ८ प ७२१५ नं को मोटरसाइकल ठोक्किँदा मोरङ, पथरीशनिश्चरे नगरपालिका-९ का २३ वर्षीय रोशन शेर्पा र विराटनगर-४ का १९ वर्षीय अनिश राजवंशीको मृत्यु भएको हो।
शेर्पाको घटनास्थलमै र राजवंशीको नोबेल अस्पताल विराटनगरमा उपचारका क्रममा आइतबार बिहान मृत्यु भएको जिल्ला ट्राफिक प्रहरी कार्यालय, मोरङका प्रमुख प्रहरी निरीक्षक शिवकुमार पोखरेलले जानकारी दिए।
ट्रक जिल्ला प्रहरी कार्यालय मोरङको नियन्त्रणमा छ भने चालकको खोजी भइरहेको प्रहरीले जनाएको छ। रासस
प्रतिक्रिया दिनुहोस !
