पोखरा : पोखरा प्रिमियर लिग टीट्वेन्टी क्रिकेट प्रतियोगिताको चौथो दिन सोमबारको पहिलो खेलमा हुलास काठमाडौं रोयल्सले विराटनगर टिटान्समाथि ५ विकेटको जित हात पारेको छ ।
सन्दीप लामिछानेको कप्तानीमा रहेको विराटनगर टिटान्सले टस जितेर पहिले ब्याटिङ रोजेको थियो। विराटनगरले निर्धारित २० आभेरमा ७ विकेटद गुमाएर १४९ रन बनायो । ज्ञानेन्द्र मल्लको कप्तानीमा रहेको काठमाडौंले १५० रनको लक्ष्य १९.२ ओभरमा ५ विकेट गुमाएर १५१ रन बनाउँदै पूरा गर्यो ।
काठमाडौंको जितका लागि भारतीय खेलाडी गौरव तोमारले सर्वाधिक ६६ रन बनाए, त्यसपछि अमित श्रेष्ठले ३५ र कप्तान ज्ञानेन्द्र मल्लले १७ रनको योगदान गरे । विराटनगरका लागि साहब अहालमले २ र सन्दीप लामिछाने, किशोर महतो र जितेन्द्र मुखियाले १–१ विकेट लिए ।
पहिले ब्याटिङ गरेको विराटनगरका लागि पाकिस्तानी खेलाडी मेहमद जैदले सर्वाधिक ६७ रन बनाए भने सुनील धमला र राजेश पुलामीले ३०–३० रन बनाए । काठमाडौंका लागि सुसन भारी वसन्त रेग्मी र गौरव तोमारले २–२ विकेट लिन सफल भए ।
काठमाडौंले दुईमा दुवै खेलमा जित निकालेको छ भने विराटनगर नीत वटै खेलमा पराजित भएको छ ।
प्रतिक्रिया दिनुहोस !
