ओभल : पाहुना टोली इङ्ल्यान्डले अस्ट्रेलियाविरुद्धको टीट्वेन्टी शृंखला जितेको छ। बुधबार भएको दोस्रो खेलमा घरेलु टोली अस्ट्रेलियालाई आठ रनले हराउँदै इङ्ल्यान्डले एक खेल अगावै शृंखला जितेको हो। इङ्ल्यान्डले तीन खेलको शृंखलामा २–० को अग्रता पनि बनाएको छ।
एक सय ७९ रनको लक्ष्य पछ्याएको अस्ट्रेलियाले निर्धारित २० ओभरमा ६ विकेट गुमाएर एक सय ७० रन मात्रै बनाउन सक्यो। अस्ट्रेलियाका मिचेल मार्सले सर्वाधिक ४५ रन बनाए।
यस्तै टिम डेविडले ४०, मार्कस स्टोइनिक्सले २२, प्याट कुमिन्सले १८, कप्तान एरोन फिन्चले १३ र म्याथु वेडले १० रन बनाए। इङ्ल्यान्डका साम कुरानले तीन विकेट लिए। यस्तै बेन स्टोक्स, डेविड विले र रिस टोप्लेले एक/एक विकेट हात पारे।
इङ्ल्यान्डका डेविड मलानले ८२ रनको अर्धशतकीय पालि खेलेका थिए। यस्तै मोइन अलीले ४४ र जस बटलरले १७ रन बनाए। अस्ट्रेलियाका मार्कस स्टोइनिक्सले तीन विकेट लिए। यस्तै एडम जाम्पाले दुई तथा मिचेल स्टार्क र प्याट कमिन्सले एक/एक विकेट हात पारे। पहिलो खेलमा इङ्ल्यान्ड आठ रनले नै विजयी भएको थियो। तेस्रो खेल शुक्रबार हुनेछ।
प्रतिक्रिया दिनुहोस !
