वीरगन्ज : फेसबुक,इन्स्टाग्रामलगायतका सामाजिक सञ्जालमा असमाजिक र अराजक फोटो र भिडीयो पोष्ट गर्ने एक युवकलाई प्रहरीले वीरगन्जबाट पक्राउ गरेको छ । पक्राउ पर्नेमा वीरगन्ज महानगरपालिका वडा नम्बर १५ लक्ष्मणवाका २१ वर्षीय ओमकुमार पटेल रहेका छन् । उनलाई प्रहरीले वीरगन्ज–१५ प्रतिमा चोकबाट पक्राउ गरेको हो ।
फेसबुक, टिकटक, ह्वाट्रअप र मेसेन्जरमा ‘किंग्स अफ पर्सा’ नामको आइडी बनाएर पटेलले अपशब्द प्रयोग गर्ने,गाली गर्ने,हाततियारको प्रदर्शन गरी डर त्रास सृजना गर्ने,अराजक गतिविधि गरी समाजमा द्वन्द्वको श्रृजना गर्ने जस्ता असामाजिक र अनैतिक क्रियाकलाप गरेको उनलाई पक्राउ गरिएको पर्साका प्रहरी नायब उपरीक्षक दीपक भारतीले जानकारी दिए । पटेललाई जिल्ला प्रहरी कार्यालयको हिरासतमा राखेर उनीविरूद्ध सार्वजिक शान्ति विरुद्धको कसूरमा थप अनुसन्धान कार्य भइरहेको भारतीले बताए ।
सामाजिक सञ्जालमा यस्ता असमाजिक र अराजक गतिविधि गरिरहेका अन्य व्यक्तिहरूको पनि पहिचान भइसकेको हुँदा उनीहरूको प्रहरीले खोजी गरिरहेको प्रहरी नायब उपरीक्षक भारतीले बताए ।
प्रतिक्रिया दिनुहोस !
