एमालेको निर्वाचन कार्यतालिका हेरफेर, ३:३० बजेसम्म उम्मेदवारी दिन पाइने
मंसिर २९, २०८२ सोमबार १३:१४:४०
काठमाडौं : नेकपा एमालेको ११ औं महाधिवेशनबाट चुनिने नयाँ नेतृत्वका लागि कार्यतालिका परिमार्जन भएको छ। केन्द्रीय निर्वाचन आयोगले सोमबार दिउँसो ३:३० बजेसम्म उम्मेदवारको मनोनयन दर्ता गर्न समय राखिएको हो।
प्रारम्भिक उम्मेदवारको नामावली ४ बजे सार्वजनिक गर्ने कार्यतालिका छ। उम्मेदवारी फिर्ता ५ बजेबाट ६ बजेसम्म निर्धारण गरिएको छ। एमालेले जारी ११औँ राष्ट्रिय महाधिवेशनको बन्दसत्रको दोस्रो दिन आज नयाँ नेतृत्वका लागि उम्मेदवार मनोनयनका लागि फारम विवरण र दर्ता धमाधम भइरहेको छ।
अध्यक्ष १, उपाध्यक्ष ५, महासचिव १,उपमहासचिव ३,सचिव ९ सहित १९ पदाधिकारी बनाउने निर्णय केन्द्रीय समितिले गरेको र सोही प्रस्ताव बन्दसत्रको हलले सर्वसम्मत पारित गरेको एमाले संगठन विभागका सचिव माधव ढुंगेलले जानकारी दिए। उनका अनुसार पोलिटब्युरोको एकतिहाई स्थायी कमिटी, पोलिटब्युरो सदस्य ९९ जना र पदाधिकारीसहित केन्द्रीय कमिटी ३ सय १ सदस्यीय हुने गरी बन्दसत्र हलले पारित गरेको छ। संगठन विभाग सचिव ढुंगेलले यो संरचनाले पार्टीभित्र भौगोलिक, सामाजिक र पुस्तागत सन्तुलन कायम गर्दै समावेशी नेतृत्व निर्माणको आधार तयार गर्ने लक्ष्य लिएको बताए। 
प्रतिक्रिया दिनुहोस !
