काभ्रे : वर्षाका कारण दुई दिनदेखि अवरुद्ध बीपी राजमार्ग खुलेको छ । सडक डिभिजन कार्यालय भक्तपुरको कर्मचारी चन्द्रबहादुर लामाले बीपी राजमार्ग रोशि गाउँपालिकास्थित सडक खण्डको ५ स्थानमा ड्राइभर्सन निर्माण भएको बताए ।
रोशि गाउँपालिका खण्डको घुमाउने,चौकिडाँडा,चारसय बेसि,चिउरिबास र बोक्सिकुनामा अस्थायी बाटो निर्माण सकेपछि सड़क खुलेको लामाले बताए । अस्थायी ड्रैभर्सन निर्माण सकेर बीपी राजमार्ग सञ्चालनमा आएको जिल्ला ट्राफिक प्रहरी काभ्रे प्रमुख प्रहरी निरीक्षक सुनिल धाजुले जानकारी दिए ।
राजमार्ग खुलाउनको लागि सडक डिभिजन, स्थानीय सरकार मिलेर सड़क खुलाउने काम भएको प्रहरी निरीक्षक धाजुले बताए । दुईदिन परेको पानीले रोशि खोला बढेपछि पूर्वबाट धुलिखेल तर्क आउने सवरी खुर्कोटमा होल्ड गरेको थियो ।
बीपी बन्द भएपछि पुष्पलाल मार्ग रामेछाप,दोलखाहुँदै काठमाडौं जाने सवारी साधन लामो दुरी पार्न गर्न बाध्य थिए । गत वर्षको बाढीले राजमार्ग पूर्ण क्षति पुगेपछि हाल सामन्य वर्षा भएसँगै राजमार्ग बन्द भएको हो।
प्रतिक्रिया दिनुहोस !
