भरतपुर : भरतपुर १९ का मतदाता बिहान सातबजेदेखि मतदान गर्दै छन् । बिहानैदेखि पानी परेकाले मतदाता छाता ओढेर मतदान गर्न वाध्य भएका हुन् । सर्वोच्च अदालतले चितवनको भरतपुर महानगरपालिका वडा नम्बर १९ का मतदाता गर्ने फैसला गरेसँगै आज शुक्रबार पुनः मतदान हुन लागेको हो ।
पानी परेकाले केही छाता ओडेर मतदानस्थलमा उभिएका छन् भने केही पानी रोकिएपछि मतदान गर्ने तयारी गरेका छन् । पहिलो चरण वैशाख ३१ गते चुनाव भएपनि मतपत्र च्यातिएपछि उत्पन्न विवाद सल्टाउँदै सर्वोच्च अदालतले दिएको आदेशअनुरूप पुनः मतदान हुन लागेको हो ।
भरतपुर १९ मा ३ हजार ७ सय ९७ मतदाता छन् । जीवनज्योति आधारभूत विद्यालय केन्द्रमा १३०६, शारदा माविमा १२२३ र किरण माविमा १२४८ मतदाताले मतदान गर्दैछन् ।
चुनावी मैदानमा नेकपा एमालेका तर्फबाट देवी ज्ञवाली छन् भने नेकपा माओवादी केन्द्रबाट रेणु दाहाल चुनावी मैदानमा छन् । रेणुलाई कांग्रेसको पनि साथ रहेको छ । भरतपुर वडा नम्बर २० को मत गणना हुन बाँकी छ ।
प्रतिक्रिया दिनुहोस !
