ताप्लेजुङ : मोटरसाइकल दुर्घटनामा परेर गम्भीर घाइते भएका चालक अमिर वर्देवाको मृत्यु भएको छ। पाँचथर सदरमुकाम फिदिमस्थित एक अस्पतालमा उपचारको क्रममा राति नै मृत्यु भएको हो। मृतकको शव जिल्ला अस्पताल ताप्लेजुङको शव गृहमा ल्याएर राखिएको प्रहरीले जनाएको छ।
ताप्लेजुङ सदरमुकाम फुङलिङमा मंगलबार दिउँसो मालपोत कार्यलयबाट मेची राजमार्गतर्फ जाने क्रममा ना. २१. प. ५६२८ को मोटरसाइकल सडकबाट नालीमा खसेर दुर्घटना भएको थियो ।
जिल्लाको पाथीभरा याङ्वरक गाउँपालिका वडा नं १ नाङ्खोल्याङ निवासी २६ वर्षीय वर्देवा नृत्य प्रशिक्षक थिए। दुर्घटनामा इलामकी २२ वर्षिय सृजना गुरुङको घटनास्थलमै मृत्यु भएको थियो। गुरुङ सिँचाई डिभिजन कार्यालय ताप्लेजुङकी सामाजिक परिचालक थिइन्।
प्रतिक्रिया दिनुहोस !
