लासिथ मालिंगा ( श्रीलंका)
अन्तिम विश्वकप खेलिरहेकाले पनि उनी यसपटक श्रीलंकालाई विश्वकप उपाधि दिलाएर राष्ट्रिय टोलीबाट सुखद बिदाइ लिने तयारीमा छन् । जारी विश्वकपमा सहभागी श्रीलंकाली टोलीका उनी सबैभन्दा अनुभवी खेलाडी पनि हुन् । एकदिवसीय प्रतियोगितामा उनले हालसम्म आठ पटक पाँच विकेट र १० पटक चार विकेट लिएका छन् । पछिल्लो समय श्रीलंकाली टोलीको हरेक सफलतामा उनको महत्वपूर्ण भूमिका रहँदै आएको छ ।
रोस टेलर (न्युजिल्यान्ड)
जारी विश्वकप क्रिकेटमा सहभागी न्युजिल्यान्ड टोलीका सबैभन्दा अनुभवी खेलाडी हुन्, रोस टेलर । ३५ वर्षीय टेलरको यो चौथो विश्वकप सहभागिता हो । उनले सन् २००७ देखि विश्वकपमा सहभागिता जनाउँदै आएका छन् । सम्भवतः यो उनको अन्तिम विश्वकप पनि हो । उनी एकदिवसीय क्रिकेटमा न्युजिल्यान्डका लागि सर्वाधिक रन बनाउने खेलाडीमध्ये एक हुन् । उनले हालसम्म दुई सय १८ एकदिवसीय अन्तर्राष्ट्रिय क्रिकेटमा दुई सय तीन पाली खेल्दै ४८.३४ को औसतले कुल आठ हजार २६ रन बनाएका छन् ।
एकदिवसीय क्रिकेटमा उनको एकल उच्च स्कोर अविजित एक सय ८१ रन हो । उमेरका हिसाबले पनि आफ्नो खेल जीवनको उत्तराद्र्धमा रहेका टेलर यो विश्वकपमा न्युजिल्यान्डलाई विजेता बनाउँदै सन्न्यास लिने योजनामा छन् । न्युजिल्यान्डले हालसम्म विश्वकपको उपाधि जित्न सकेको छैन । पछिल्लो समय उनी काँधको समस्याबाट पीडित छन् । यद्यपि, उनले जारी विश्वकपका लागि आफू पूर्णरूपमा स्वस्थ्य रहेको दाबी गर्दै आएका छन् ।
प्रतिक्रिया दिनुहोस !
