ताप्लेजुङ : ताप्लेजुङको मैवाखोला गाउँपालिकाको केन्द्र साँघु बजारमा आगलागी भएको छ । आइतबार दिउँसो स्थानीय मानबहादुर प्रसाईंको घरबाट आगलागी सुरु भएको हो । प्रसाईंको घर पूर्ण रुपमा जलेको छ।नजिकै रहेको राम शेर्पाको घर पनि आशिंक जलेको स्थानीय चिरिञ्जिवी चोङवाङले बताए ।
आगलागी पूर्ण नियन्त्रणमा आइनसकेको छैन । प्रसाईंको घरको चौथो तलाबाट आगलागी सुरु भएको हो । उक्त तला गाउँपालिकाले भाडामा लिएको थियो । चोङवाङले भने, 'त्यहाँ गाउँपालिका उपाध्यक्ष कौसिला थत्लुङको क्वाटर थियो, कृषी शाखाका कर्मचारी, वडा नं ३ का सचिव र नारायणी माविका शिक्षक पनि त्यहिँ बस्थे । भूँइतलामा किराना, भाडा पसल, औषधि पसल र टेलर्स समेत थियो । ती सबै जलेर नस्ट भएका छन्।'
स्थानीय, नेपाल प्रहरी, जनप्रतिनिधि र कर्मचारी मिलेर आगलागी नियन्त्रणको प्रयास भइरहेको अर्का स्थानीय कमल विष्टले बताए । क्षतिको विवरण आउन बाँकी छ ।
प्रतिक्रिया दिनुहोस !
