काठमाडौं : ४३ हजार अमेरिकी डलरसहित एकजना पक्राउ परेका छन्। पक्राउ पर्नेमा धादिङको गंगाजमुना गाउँपालिका-५ का ३७ वर्षीय सुशील गुरुङ रहेका छन्।
रसुवाको उत्तरगया गाउँपालिका-५ बेत्रावती बजारस्थित पासाङ ल्हामु सडक खण्डमा प्रहरीले नियमित सवारी साधनहरू चेकजाँच गर्ने क्रममा काठमाडौंबाट टिमुरे जाँदै गरेको बा.प्र.०१००६ ख ९५१५ नं. को यात्रुबाहक बसबाट उनलाई पक्राउ गरेको हो।
उनको साथबाट १०० को ३६३ वटा, ५० को ११२ वटा, २० को २९ वटा, १० को ५० वटा, ५ को ३ वटा र १ को ५ वटा अमेरिकी डलर फेला परेको थियो।
पक्राउ परेका गुरुङलाई थप अनुसन्धानका लागि राजस्व अनुसन्धान विभाग पठाइएको जिल्ला प्रहरी कार्यालयका सूचना अधिकारी एवं प्रहरी निरीक्षक राजु शाहले बताए।
प्रतिक्रिया दिनुहोस !
