अर्चलबोट (लमजुङ): प्रहरी प्रधान कार्यालयमा सँगै खाना खाएर एकै ओछ्यानमा सुतेका पूर्व असई बीरसिङ्ग घलेले सोमबार काबुलमा ज्यान गुमाएका अर्चलबोट–९, साँखरका अमृतबहादुर थापालाई झलझली सम्झिरहेका छन् ।
काबुलमा अन्य ११ जनासँगै अमृतको पनि ज्यान गएको खबर आएपछि उनी निकै अत्तालिए । प्राबिधिक सञ्चार तालिममा एक वर्षसँगै काम गरेपछि बढ्न थालेको उनीहरुको मित्रता पेशा निवृत्त नहुञ्जेलसम्म पनि कायमै थियो ।
‘काममा इमान्दार भएर लाग्थ्यो, उनले बिगत सम्झँदै भने, ‘भलिबल खेलमा निकै अब्बल थियो, मिलनसार उस्तै ।’
जागिर छाडेको धेरै वर्षसम्म पनि उनीहरुको भेट हुन सकेन । गाउँमा २२ दिन बिताएर जेठ १६ गते अफगानिस्तानका लागि काठमाडौ हान्निएका उनीसँग गाडीमा देखादेख भयो । ‘हतार छ, आउँदा भेट्छु है भनेर गएका थिए’, उनले सम्झिए, ‘अब सधैँका लागि नभेटी गयो ।’
उनको निधनबाट पूर्वप्रहरी साथीहरु निकै दुःखी भएका छन् । निकै मिलनसार र मेहनेती मान्छे गुमाउँदा साँखर गाउँबासी चिन्तित बनेको वडा नागरिक मञ्चका संयोजक केशब लामिछानेले बताए ।
गाउँमा केही पर्दा अगाडि सथ्र्यो उनले भने, ‘निकै सहयोगी भावनाको मान्छे गाउँले गुमाउन प¥यो ।’ अमृतको निधनले उनकी पत्नी दुर्गा थापा (सुयाँल) को शब्द रोकिएको छ । एक वर्ष अफगानिस्तानमा बिताएर फर्कने बाचा गरी गएका अमृत कहिल्यै नफर्कने गरी विदा भएपछि पत्नी दुर्गा मुर्छा परेकी छन् ।
गाउँमा केही पर्दा अगाडि सथ्र्यो उनले भने, ‘निकै सहयोगी भावनाको मान्छे गाउँले गुमाउन प¥यो ।’ अमृतको निधनले उनकी पत्नी दुर्गा थापा (सुयाँल) को शब्द रोकिएको छ । एक वर्ष अफगानिस्तानमा बिताएर फर्कने बाचा गरी गएका अमृत कहिल्यै नफर्कने गरी विदा भएपछि पत्नी दुर्गा मुर्छा परेकी छन् ।
‘डाक्टर छोरो’ हेर्ने सपना अधुरै
प्रहरीका पूर्व सई उनको पेन्सन र घरायसी उब्जनीले परिवारको गर्जो टथ्र्यो । छोरा मिरोजलाई पढाएर डाक्टर बनाउने सपना पुरा गर्न उनी अफगानिस्तान हानिएका थिए ।
छोरा, मिरोज अहिले धरानमा एमबीबीएस पढीरहेका छन् । तर, बाबु भने छोरा डाक्टर भएको हेर्न नपाउँदै गए ।
प्रहरीबाट पेन्सनमा निस्केर मलेसिया पुगेका उनी छोरालाई डाक्टर पढाउन पैसा नपुग्ने भएपछि जोखिममै मोलेर अफगानिस्तान गएका थिए ।
सात वर्ष अफगानिस्तानमा बिताएर वैशाखको दोस्रो हप्ता नेपाल फर्केका थिए । गाउँमा एक महिना छुट्टीमा बसेर गएका उनी २२ दिनमै बिते । वर्ष दिनपछि घर फर्किएर परिवारसँगै बस्ने उनेका रहर तालिवानले बीचैमा सदाका लागि चुँडिदिए ।
प्रतिक्रिया दिनुहोस !
