ओली र देउवा समान हैसियतमा
अध्यादेशको लागि एकीकृत समाजवादीलाई मनाउने प्रयासमा कांग्रेस
फागुन ३, २०८१ शनिबार ७:२४:३५
काठमाडौं : सत्तारूढ कांग्रेस–एमालेको उच्चस्तरीय राजनीतिक संयन्त्रको बैठक शुक्रबार साँझ प्रधानमन्त्री निवास बालुवाटारमा बसेको छ । प्रधानमन्त्री एवं नेकपा (एमाले) का अध्यक्ष केपी शर्मा ओली, नेपाली कांग्रेसका सभापति एवं पूर्वप्रधानमन्त्री शेरबहादुर देउवा र संयन्त्रमा संलग्न दुवै दलका नेताहरू बैठकमा सहभागी थिए ।
उच्चस्तरीय संयन्त्रको बैठकमा संसद्मा पेस गर्ने अध्यादेश, सरकारका कामकारबाहीलगायत विषयमा छलफल भएको छ । सरकारका कामकारबाहीलाई प्रभावकारी बनाउने विषयमा पनि छलफल भएको छ । यसअघि यसै साता दुई पटक संयन्त्र कार्यदलको बैठक बसेको थियो ।
ओली र देउवा समान हैसियतमा
अध्यादेशमा नेपाललाई फकाउने प्रयास
उता अध्यादेशको लागि माधवकुमार नेपालको पार्टी नेकपा एकीकृत समाजवादीलाई मनाउने प्रयासमा पनि कांग्रेस लागेको छ ।राष्ट्रियसभामा एकीकृत समाजवादीको ८ सांसद छन् । कांग्रेस र एमालेको सरकारलाई जसपा नेपालको निर्णय अध्यादेश पारित गर्न सकस भएको छ । ५९ सदस्यीय राष्ट्रिय सभामा कांग्रेसको १६, एमालेको १० मात्रै सांसद छन् ।
त्यसकारण कांग्रेस सभापति शेरबहादुर देउवामार्फत नेपाललाई फकाउने प्रयास थालिएको छ । देउवाले नै अध्यादेश ल्याउने ओलीको प्रयासलाई रोकेको भन्दै अध्यादेशमा नेपाललाई सहमत गराउने प्रयासमा लागेका छन् । कांग्रेस एकीकृत समाजवादीसँग छलफल
थालेको छ ।
विगतमा एमाले फुुटाएर एकीकृत समाजवादी बनाउँदाको र हाल पनि ओलीले तयार पारेको अध्यादेशलाई रोकेको भन्दै नेपालसँग कांग्रेसले संवाद थालेको छ ।
प्रतिक्रिया दिनुहोस !
