साउदीबाट नेपाल एयरलाइन्सको नियमित उडान नहुँदा चार लाख नेपाली यात्रामा भोग्दै समस्या

साउदी : साउदी अरबमा कार्यरत नेपाली समुदायले नेपाल एयरलाइन्सको नियमित उडान सञ्चालनको माग पुनः उठाएका छन् । श्रमिकहरूको बढ्दो संख्या, यात्रा सहजीकरण, आपतकालीन व्यवस्थापन तथा राष्ट्रिय ध्वजावाहक सेवाको आवश्यकता औँल्याउँदै सरोकारवालाहरूले नियमित उडान विस्तारमा सम्बन्धित निकायले प्राथमिकता दिनुपर्ने बताएका छन् ।

वैदेशिक रोजगारीका लागि साउदी अरब पुगेका नेपालीहरूका लागि हवाई सेवा केवल यात्राको विषय मात्र नभई आवश्यकता, पहुँच, सुरक्षा र आपतकालीन सहजीकरणसँग प्रत्यक्ष जोडिएको विषय बनेको समुदायको धारणा छ । साउदी अरबमा हाल करिब ४ लाख नेपाली कार्यरत रहेको अनुमान छ । विशेषगरी पूर्वी साउदी क्षेत्र दमाम, रियाद, जेद्दा लगायत विभिन्न स्थानमा कार्यरत नेपालीहरू नेपाल आउजाउका क्रममा अझै पनि विदेशी एयरलाइन्समा निर्भर हुनुपर्ने अवस्थाले श्रमिकहरूलाई थप आर्थिक तथा व्यवहारिक समस्या निम्त्याउने गरेको गुनासो छ ।

कतिपय नेपाली श्रमिकहरू नेपाल फर्किन वा पुनः कार्यस्थलमा आउन ५०० देखि १००० किलोमिटरसम्मको स्थल यात्रा गरेर दमामसम्म पुग्न बाध्य हुने गरेका छन् । यसले अतिरिक्त खर्च, समय व्यवस्थापन तथा यात्राको कठिनाइ थप्ने गरेको श्रमिकहरू बताउँछन् भने समुदाय नेतृत्वका अनुसार नेपाल एयरलाइन्सको नियमित उडान सञ्चालन हुन सके नेपाली श्रमिकले सहुलियतपूर्ण भाडादर, समय व्यवस्थापन तथा सहज हवाई पहुँचको लाभ लिन सक्ने छन् । विशेष गरी आपतकालीन अवस्थामा यात्रा गर्नुपर्ने नागरिकका लागि यसले महत्वपूर्ण राहत पुग्ने विश्वास गरिएको छ ।

नेपाल एयरलाइन्सले आपतकालीन अवस्थामा रहेका नेपाली नागरिकलाई प्राथमिकतामा राख्दै सेवा सहजीकरण गर्दै आएको बताइएको छ । उपचारका लागि यात्रा गर्नुपर्ने बिरामी नेपाली यात्रुहरूलाई ह्वीलचेयर सेवा, विशेष सहायता तथा आवश्यक सहजीकरण उपलब्ध गराउने व्यवस्था रहेको जनाइएको छ भने, वैदेशिक रोजगारी वा अन्य कारणले विदेशमा मृत्यु भएका नेपाली नागरिकको शव नेपाल पठाउन आवश्यक प्रक्रिया तथा व्यवस्थापनमा समेत प्राथमिकता दिने गरिएको सरोकारवालाहरू बताउँछन् ।

नेपाल एयरलाइन्सका कन्ट्री म्यानेजर अन्जु शर्माले नेपाली समुदायको आवश्यकता र यात्रु चापलाई मध्यनजर गर्दै यात्रु सेवामा सहजीकरण तथा व्यवस्थापनलाई प्राथमिकता दिनुपर्ने धारणा राखेकी छन् भने  नेपाल एयरलाइन्सले आपतकालीन अवस्थामा रहेका नेपाली नागरिकलाई विशेष प्राथमिकता दिँदै आएको र  उपचारका लागि यात्रा गर्नुपर्ने बिरामी नेपाली यात्रुहरूलाई आवश्यक सहजीकरण, ह्वीलचेयर सेवा तथा विशेष सहायता उपलब्ध गराउने व्यवस्था रहेको जनाइएको  समेत गराउन साथै, वैदेशिक रोजगारी वा अन्य कारणले विदेशमा मृत्यु भएका नेपालीहरूको शव नेपाल पठाउने प्रक्रियालाई समेत प्राथमिकतामा राख्दै आवश्यक समन्वय र सहजीकरण गरिँदै आएको  बताइन् ।

एनआरएनए केन्द्रीय उपमहासचिव राजेन्द्र अर्यालले साउदीबाट नेपाल एयरलाइन्सको नियमित उडान नेपाली समुदायको दीर्घकालीन आवश्यकता भएको बताएका छन् । ‘विदेशमा रहेका नेपालीका लागि सहज हवाई पहुँच अत्यन्त महत्वपूर्ण विषय हो’, उनले भने, ‘राष्ट्रिय ध्वजावाहकको नियमित उपस्थिति हुँदा आपतकालीन अवस्था, बिरामी, मृत्यु, श्रम समस्या वा पारिवारिक संकटका समयमा धेरै सहजता आउन भएको बताए ।  भातृ संगठन राप्रपा साउदी अरबका अध्यक्ष कुवेर हुमागाईले पनि नियमित उडान प्रवासी नेपालीको आवश्यकता भएको बताएका छन् ।

साथै ‘राष्ट्रिय ध्वजावाहकको नियमित उपस्थिति यात्राको सुविधा मात्र होइन, आवश्यकता पनि हो’, उनले भने, ‘विशेष गरी आपतकालीन अवस्थामा रहेका नेपालीलाई सहजीकरण, बिरामी व्यवस्थापन, शव नेपाल पठाउने प्रक्रिया तथा श्रमिक हितका विषयलाई प्राथमिकतामा राखिनु पर्छ ।’
साउदीस्थित नेपाली दूतावासले श्रमिक उद्धार, कानुनी सहजीकरण, अस्पताल समन्वय तथा विभिन्न समस्या समाधानमा सक्रिय भूमिका निर्वाह गर्दै आएको अवस्थामा नियमित हवाई पहुँचले ती कार्यलाई थप प्रभावकारी बनाउन सक्ने अपेक्षा गरिएको छ।

समुदाय नेतृत्व, सामाजिक संघसंस्था तथा स्वयंसेवी समूहहरूले समेत अस्पताल सहयोग, कानुनी परामर्श, शव व्यवस्थापन तथा आपतकालीन उद्धार कार्यमा निरन्तर सहकार्य गर्दै आएका छन् । समुदायका अगुवाहरूले श्रमिकको आवश्यकता, यात्रु चाप तथा मानवीय सहजीकरणलाई ध्यानमा राख्दै नेपाल एयरलाइन्सको नियमित उडान व्यवस्थापनलाई दीर्घकालीन रूपमा प्राथमिकतामा राख्न सम्बन्धित निकायसँग माग गरेका छन् भने साउदीमा रहेका नेपालीहरूका लागि राष्ट्रिय ध्वजावाहकको नियमित सेवा केवल यात्राको सुविधा मात्र नभई आवश्यकता, भरोसा र संकटका समयमा सहाराको माध्यम बन्न सक्ने अपेक्षा गरिएको छ ।

“